ازيكو
طالما انا الحمد لله رب العالمين بعمل احلا بيتزا بشهادة الناس الطيبين قولت اشاركم واللي عنده اضافات يشاركنا
المقادير
3 اكواب دقيق حلويات
3 بيضات
كتلة خميره قد عين الجمل الكبيره
نص كباية زيت
نص كباية لبن
شوية ملج ( ذرة ملح )
معلقة سكر كبيرة
4 ثمرات طماطم
للتقديم
فلفل اخضر مقطع
زيتون اسود مقطع
جبنه رومي مقطعه
لحمه مفرومه او فراخ مقطعة او جمبري او سوسيس حسب الرغبه
التحضير
نحط الخميره في كباية زجاجيه وعليها معلقه سكر صغيرة ونسيبها حوالي ربع ساعة او اكتر وحركيها بالمعلقة دا علشان تبقى سايله
ننخل الدقيق في اناء عميق
على فكرة الفكره من الحركة دي واللي المفروض تتبع في كل حاجة انك بتدخلى الهوا داخل الدقيق علشان العجينه تبقى مرحرحة كدا مش مكبوسة
وانا بنخل الدقيق ارش ذرة الملح عليه طبعا ، خلصتي .. ابتدي حضي الخميرة وقلبي كويس جدا
اضربي ال 3 بيضات مع السكر كويس جدا وبعدين حطيها على الحليط وقلبي كويس جدا
اتبقى ايه
اتبقى اللبن الاول نحطه ونخلطة كويس قوي
وبعدبن نحط الزيت بتاعنا ونخلط كويس قوي
تعرفي منين ان قوامها مناسب .. لما تكون مش سايله ولا جامده .. ومتلزقش في الاناء وانت بتقلبي
اعمليها زي الكورة وغطيها كويس جدا علشان تبقى دافيه وتتساب لمده 30 دقيقة او 45 دقيقة
سخني الفرن على 180
هاتي الصاج اللي هتعملي فيه او طاسة الكريب وادهنيها بالزيت
هاتي العجينه وقسميها 3 كورات وسبيها ترتاح 10 دقايق
خدي واحده وحطيها في الطاسة وافرديها مع انك تخلي بالك ان يكون الاطراف ااتخن من الوسط
دخليها الفرن 5 دقايق بالظبت لحد ما العجينه تشد شويه
طلعيها وحطي علها صلصة البيتزا الجاهزة ولو معندكيش اعمليها بالصلصة العاديه
ازاي
كام فص تون يصفروا في الزيت وعدين نحط الصلصة تسخن ونحط عليها ربع كباية خل
دلوقتي رجعينا للعجينه .. افردي الصلصة عليها بالتساوي
رشي الفلفل والجبنه واللحمة والزيتون ودخليها الفرن
تقريبا تاخد من 25 الى 35 دقيقة في الفرن
يارب تكون عجبتكم جربوها وقولولي لو نسيت حاجة
وبالهنا والشفا