احساس غريب

السلامو عليكم

انا ولاء وعجبني فكرة المنتدى حاسه انكم يعني دفيين قوي مع بعض

انا متجوزه وقاعده في النصوره واعده لوحدي في بيت العيله وحاسه اني اتخنقت من الوحده

المهم كنت عايزة اقولكو على حاجة

عندي احساس ان البنت ممكن تبقه في قمة السعاده لوجزها بيحبها وتبقه اسعد واسعد لو بيدافع عنها قدام اهله ... مش يقف ساكت علشان مايزعلهمش

ماما بتقولي حرام يقف قصاد اهله وانا بقول وحرام كمان يكسر بخاطر مراته قدامهم انتو ماتعرفوش الموضوع ده بيوجع قد ايه

ارجو الافاده

طبعا بيوجع بس الرجال الشرقيين من ضمن عيوبهم انو يريح دماغو من مراتو وامو واختو

يعني شايل ايده من كل شئ

بس من الواضح ان مشكلتك ما الها حل ... لان هيدي تربيه ماتقدري تغيريها بعد كل السنين ديا

السلام عليكم
ازيك يا ولاء ....اهلا بيكي في المنتدي وشكرا انك اديتينا ثقتك
مبدئيا انا مقدرش افيدك قوي في الموضوع ده لان معرفش تفاصيله وعلي كل بصي يا سكر واضح من كلامك ان زوجك بيحبك والحمد لله بس مشكلته معاكي انه مش بيدافع عنك قدام اهله طب هل الموقف بيكون من وجهه نظره يستاهل انه يدافع ويقف قدام اهله ولا انتي الي حساسه شويه وهل لو هوه في نفس الموقف ده مع اهلك هتقفي قدامهم علشانه وهل لو ابنك بعد الجواز حصل بينك وبين مراته موقف زي ده وابنك رد عليكي علشان مراته هتقبلي ده افتكر انك محتاجه تبصي للموضوع بمنطقيه شويه وبصي لبعيد لانك لما هتتحطي مكان حماتك ان شاء الله في يوم من الايام مش هتقبلي ان ابنك يقف قدامك علشان مراته حتي لو انتي الي غلطانه وهتشوفي انك كبيره وعيب لما يرد عليكي وانه ممكن يعتبك بينه وبينك بس مش قدام مراته ولو حصل ووقف قدامك علشانها هيبقي يوم اسود بالنسبالك وهتحسي ان ه بيحب مراته اكتر من امه ونسي تربيتي ليه وتعبي معاه وحاجات تانيه كتير احاسيس بتقتل الام بعد ما ابنها يتجوز وتخده واحده تانيه احاسيس مهما وصفتها عمرك ماهتحسيها دلوقتي وعلشان كده لازم تحطي نفسك مكانها علشان كل حاجه هتحصل هتقعدلك في ابنك يا ولاء
وارجع تاني واقولك الموضوع متوقف علي شده الموقف يعني في مواقف كبيره محتاجه الزوج يتدخل وفي مواقف تانيه مش محتاجه غير انه يراضيكي بينه وبينك ويقولك معلش استحميليها عشان خاطري وكمان ويحسسها بالموقف بينه وبينها وخلاص

وعموما يا ولاء خليكي واثقه انه لو جوزك رد علي اهله او امه عشان يرضيكي الموضوع هيكبر بينكم واهله هيفضلوا شيلينهالك وتبدأوا تكرهوا بعض يعني احيانا بيكون عدم رد الزوج زكاء منه مش اهدار لحقك
وحطي في اعتبارك انك علشان قاعده في بيت اهله فطبيعي تبقي حساسه شويه وكمان بيبقي في شد وجزب بطبيعه قاعدتكم في بيت واحد
كبري دماغك شويه طالما الموضوع مبيمسش كرامتك وزي ما قولتلك بصي لبعيد وحطي نفسك مكانها وكمان افتكري دايما ان زوجك هيشيلهالك دايما


ربنا يهدي سركم يارب ويبعد عنكم المشاكل

يالهوي ايه النصايح دي كلها دانتا جامد قوي يا باشا
يا ولاء كبري دماغك الدنيا ماتستاهلش رعل ارمي ورا ضهرك مهما حصل طالما شايفك ومظبتك انت وولادك يبقي ارمي تكالك على الله وربنا يهدي الجميع يا رب