يوميأت" عايزه اخس"

السلام عليكم
في الفايل ده أنا نوشا ان شاء الله ونحط زي متابعة للرجيم وأنتم كمان معانا
تعالو نعمل زي تلفزيون الواقع كده نقول ناكل ايه بنشرب ايه ووزنها أصبح قد ايه

يلا أبدي يا نوشا

مساء الفل يا رجاله ......
بصي يا ستي انا انهارده فطرت ربع رغيف وجبنه شيدر وخياره وكوبايه نسكافيه بالبن
وبعد ساعتين ونصف اكلت خوخ ومشمش
واتغديت صدور دجاج مشويه و8 ملاعق مكرونه بالصوص الاحمر (صلصه بالثوم والبصل والفلفل الالوان)وطبق سلاطه
ومن شويه اكلت برتقال وكيوي والمفروض ان عشايا النهارده زبادي وفاكهه بس حاسه اني شبعانه اوي ومش قادره اكل
المهم انا النهارده رقصت 1/2 ساعه ولعبت علي الاوربي تراك 1/3 ساعه وقرص التويست 10 دقائق وبالنهار كل ما احس اني جعانه اشرب شاي اخضر بالنعناع
اهم حاجه يا مليكا اصحي بدري عشان ساعتك البيولوجيه تتظبط وده هيساعدك في الدايت قوي

ازيك يا نوشا موضوع حلو قوي بس أنا سمعت ان الجبنه الرومي والشيدر والنستو بتتخن ... دي الدكتوره بتاع عزه صحبتي قالتلها كده ربنا معاكو

اوكي أنأ فطرت نص رغيف جبنه براميلي وطماطم وبعدها شويه اكلت زبادي أنا على فكره الفاكهة مابتحبنيش المهم اتغديت بشاميل نص طبق بس بزيت قليل ولو جعت بالليل مش عارفه اكل ايه

لو جعتي باليل يبقي ربع رغيف وبيضه مسلوقه وخيار وطماطم او بدل البيضه ممكن اي نوع جبنه
في حاجه تانيه انا سعات بعملها (سلطه الجبنه القريش مع الطماطم والخيار)ممكن تاكلي طبق كبير منها
وبخصوص الجبنه الشيدر انا باكلها جبنه شيدر دايت وفي انواع كتير اوي منها يا شعنونه
انا انهارده فطرت عيش وفول وطماطم
واتغديت بسله ولحمه مسلوقه ومتحمره في الفرن و4 ملاعق ارز وسلاطه
والعشاء زبادي وفاكهه بس انا لسه متعشتش

هو أنت عندك دكتور بتتابعي معاها وهي معاكي جدول دايت ولا ايه

اه طبعا بس بروح كل اسبوعين

والله صحيح يا نوشا طيب اانت كده بتنزلي قد ايه في الاسبوعين

انا فطرت زبادي وربع رغيف جبنه بس حاسه اني هجوع بعد شويه وماتقوليليش فاكهه او خضار انسي انا اصلا ماليش مزاج لاي حاجه وعندي احساس اني هتخل اخلص على التلاجه

أنت فين يا نوشا أنا ﻻيصه من غيرك

عادي يا مليكة اصلا المصريات قدرهم الكلبزه

هاهاها انتو فين يا بنات

بتخيلكون دلوقتي كل واحده قدامها 10 اصناف بتلتهمهم بلا ريجيم بلا عما هاهاهاها

حبايبي وحشتوني جــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــدا..........
عاملين ايه ......... معلش انا غبت عليكم شويه كنت مسافره شرم الشيخ
ماليكا قوليلي عامله ايه ونزلتي علي الميزان ولا لا
وبالنسبالي انا النزول مش كل اسبوع زي التاني يعني ساعات انزل 1 كيلو في الاسبوعين وساعات 3 كيلو واحيانا ببقي ثابته لان الدايت الي انا بعمله بينزل ببطء لان انا مابحرمش نفسي من اي حاجه بس انا كنت في شرم وطبعا اكل الفنادق مغري فكنت ملخبطه في الاكل طبعا
عموما انا لسه جيه انبارح ولسه ماوزنتش بس ان شاء الله مش هطلع زايده لان انا مكنتش بعمل رجيم قاسي

ماليكا لما تجوعي كلي بيضتين مسلوقين او اومليت بنقطه زيت وفي طاسه تيفال او خدي زبادي خالي الدسم تاني اوممكن تاكلي واحده توست دايت مع البيض

انا عيزاكي تقوليلي بتحبي ايه او لما بتجوعي في العادي كنتي بتكلي ايه علشان اقدر افيدك